بكفيني وعود زجل / لخالد العيسى صوافطة
بكفيني وعود زجل
لخالد العيسى صوافطة
هالقصة البيني وبينك
لازم تتخطى الحدود
كل ما بسأل وينك
بتقولي بيكفيني وعود
وعدتيني شوفك برة
برات البيت
وتاحتى شوفك برا
ياما ترجيت
وحتى تنعاد المرة
رحت وصليت
ريتا تسلملي الغرة
المغروسة ورود
عما منتقابل بالسرقة
ما بعرف ليش
ثارت بقلبي الحرقة
وطاردني الجيش
شو صعبة ها الفرقة
وشو صعب العيش
تعبت كتير من الفرقة
والعتم اشتد !
ظلي جنبي وخليك
بِ هاليومين
يمكن ربي يهديك
ونظل اثنين
تنامي عذراعي وغطيك
بهداب العين
وما يعلم فيي وفيك
غير الرب المعبود