{{إهداء لكل ام شـهـيد}}{{{ياعيد}}} / الشاعر عدنان خضر حمارشة

{{إهداء لكل ام شـهـيد}}{{{ياعيد}}} / الشاعر عدنان خضر حمارشة

ياعيد يلي،،،،، جاي بتهني
حط الدهر جوا القلب عنه
راحو لي كنا نعيش وياهم
شهداء عند،، الله في الجنه
،،،،،،،،،،،،،،،،،،،،،،،،،،،،،،،،،،،،،،،،
ياعيد يلي،،،،،، جاي بتهني
مافي حدا،،، للعيد مستني
ياعيد روح بعيد مو وقتك
عن ثوبنا لجديد لاتسألني
،،،،،،،،،،،،،،،،،،،،،،،،،،،،،،،،،،،،،،،،
ياعيد شو،، بدك بعد مني
النار جوا ،، القلب تحرقني
قلب نكوى بغيبة الاحباب
ويارب عـ غيابوا،،، تصبرني
،،،،،،،،،،،،،،،،،،،،،،،،،،،،،،،،،،،،،،،،
ياعيد ظل،،، بعيد عن بابي
قبلك انا،،،،، ودعت احبابي
جوا القلب غصه عم بتزيد
سجلها يا تاريخ،، في كتابي
،،،،،،،،،،،،،،،،،،،،،،،،،،،،،،،،،،،،،،،،
ياعيد لو تعلم شو لي صار
معنا عم تبكي حجار الدار
راحو الغوالي،، فارقو لبعيد
الله يصبر،،،، قلبنا المحتار
،،،،،،،،،،،،،،،،،،،،،،،،،،،،،،،،،،،،،،،
ياعيد روح،، وما الك الزوم
قلبي انا من لفرح محروم
كان الفرح بكتابنا سطرين
وعنا الباقي مسجله لهموم
،،،،،،،،،،،،،،،،،،،،،،،،،،،،،،،،،،،،،،،،
ياعيد يلي،، جاي مو بقتو
عندي الفرح بالقلب موتو
ياعيد روح بعيد منك عيد
لغالي قبل ماجيت ودعتو
،،،،،،،،،،،،،،،،،،،،،،،،،،،،،،،،،،،،،،،،،
ياعيد ماظلش،،،، فرح عنا
وتحرمت،،، عكفوفنا الحنا
بموطني،، اتهدمت لبيوت
ياربي على لأعداء،، تنصرنا
،،،،،،،،،،،،،،،،،،،،،،،،،،،،،،،،،،،،،،،،
ياعيد ماظلش الك مطرح
ماظن اني فيك،، يوم افرح
وخليني يا هالعيد باحزاني
حزني انا بــ هالقلب يجرح
،،،،،،،،،،،،،،،،،،،،،،،،،،،،،،،،،،،،،،،،
ياعيد روح، ولاتجينا بنوب
صاير بدمعاتي، ابل الثوب
ياحسرني ظليت من حالي
بحزني انا بتشبه بيعقوب
،،،،،،،،،،،،،،،،،،،،،،،،،،،،،،،،،،،،،،،،

تحية الاسلام والعروبة
ابرق اليك تحية خاصة من مسرى رسول الله سيدنا محمد صلى الله عليه وسلم
ومن مهد السيد المسيح عليه وعلى امه افضل الصلاة والسلام
ان كل مفردات ثقافتي والمعاجم قاطبة لا تفيك حقك من الشكر والاحترام والاكبار
لك مني عاطر التحية
واطيب المنى
ودي قبل ردي