مهما الزمان يدور زجل / د. خالد صوافطة
سيدي حب لبيتي يزور
جاي يسأل ع حالتنا
قل لي ياإبني شايفك مقهور
شوصارفيكم بعد موتتنا ؟
بعده وطنا وطن علم ونور
وترفع أسوار القدس رايتنا ؟
بالوادي بعده بغني الشحرور
والأرض ترقص لحبات غلتنا ؟
والكرم بعده في ديارنا مشهور
وطريق الفدا بعده وجهتنا؟
الوفا في قلوبكم لازال محفور
ودرب النذالة مايوم غرتنا ؟
والحقد بينكم محظور
وبيوت المحبة عنوان عزتنا
رغيف الفرح عاالصاج والتنور
لقمة حلال من أنحاء ضيعتنا
ياولدي أخبرك عن الجنة وطريق النور
غير الأمين مازار جنتنا
سيدي يانقطة أمل بالديجور
ياكاسي التاريخ حلتنا
عهد الأصالة ممزوج مع بخور
راية مجد عاراس قمتنا
مجبور ياسيدي أوصف حالنا مجبور
أحكي وأشرح شوقصتنا
عنا الحاكم متكبر ومغرور
وياالله شوواسعة ذمتنا !
حبل الكذب علسانا مكرور
سكر عل حق شفتنا
رجال الفداقرارها مأسور
رجال الخيانة تزيد علتنا
بأرض القدس صار الكل محصور
ضاع الحلم بخذلان أمتنا
جف الضرع والأرض صارت بور
فرغت من الأموال خزنتنا
صرنا ياسيدي نعيش عيشة الزور
حقدوحسد وحب الجريمة أعمتنا
قل الكرم ماعادبالمنظور
باعوا الضمير اللي كان عدتنا
نعاهد ياسيدي نعود للسكين والساطور
نخلي العدل يفردجناحه عديرتنا
نحكم إعدام على كل خاين مأجور
نصلح خلل بعرب خانتنا
أنت الشهادة وعهدك المنصور
ومن شهادتك شهادة أصالتنا
نفدي القدس ودمنا فداها مهدور
نحمي الأقصى ونحمي كرامتنا
الرئيسية 
