للبصره ايلوگ الكاس / اشاعرة ميسون نعيم الرومي
البصره البصرتنه ايلوگ الكاس - بوسه الكل لاعب من الراس
العب اضرب يـ ابراهيم - فدوه اوگلبي انت العين
عفيه ابرافو يا جلال - انت او أيمن ابن حسين
أسو اوضرغام اومناف - نكشخ بيكم فرحانين
احمد ومحمد،زيودي اويا امير- انجوم اتضوي ع الصوبين
مصطفى،علاوي اوآلاي - جيل الصاعد منصورين
حسن ، شيرگو اوعلاء - شعبي البيكم مفتخرين
فهد،مؤمل،ريوان - بالملعب كلكم مضوين
قمر البصره يا عدنان - معروف اسمك من جيلين
منكم كلنه ممنونين - شكرا (درجال) او(كاساس)*
بصراوي اويزهي بيهه الكاس - بوسه الكل لاعب من الراس
روحي اوعيني يا عراق - شعبك طيب احسن ناس
وطني الغالي يا عراق - تبقه العالي ماتنداس
وطني او يا وطن الأحرار - راسك شامخ ماتنداس
بوسه الكل لاعب من الراس
-----------------------------------------
الى شعب العراق العظيم
والى المنتخب الوطني العراقي (خليجي 25)
اهدي هذه الأهزوجه
بمناسبة الفوز بكأس خليجي 25 لكرة القدم