دنيا الرأي
للعنود..بعض القرى في الشمال الفلسطيني المدمرة عام النكبة
تاريخ النشر : 2011-08-19
من بين غيم المسا و الصباح
نسيم الصَبا طل ع الارض و لاح
و مبين شغاف القلب وداّ عتابا و صاح
و شلزن البحر من مدو يرتاح
و اسامي بلاد كنها..انتست !!!
..........
يا ويلي ع بلاد انمسحت
بمدافع و رشاشات اندثرت
و صاحب حق حقوقو انوصفت..!!
ما بعرف ! كيف انها اتسمت....!!
الحرب..!!بسنة النكبة اتسمت...
......
هجموا بقوات التدمير
ع بلاد و اسماء كتير
و هدموا بيوت و ردموا البير
و الغازي ما عندو كبير
ع الهوى حتى سلاحو بيفلت..
......
المنشية في منها اتنين
و المنصورة و في هونين
و صوانة وبصة وسيرين
و صبيحات براس العين
و بعرب الهيب الناس انصدمت
.....
و اكثر من بلد اسمو السمرا
و خربة السمان و الحمرا
و بياخور ..طربانة ..الجفر
و قيون و طربيخا و قيره
و ببلد الشيخ الناس اتحدت..
.....
فرعم و البقارة و يردا
قباعة..عموقة ..دلاتا..
الخالصة و الشونة التحتا
الظاهرية فوقا و تحتا
مسحة و معلول اللي انعلت
.....
الناعمة ..قيطيه..لزازه
المغتخرة و خربة قمبازه
حطين و خربة كرازه
الطنطورة ع البحر فرازه
و طبريا ع المجدل ..نشفت
......
ملاحه..بيسمون.درباشية
جاحولا ..الزويه..البوزيه
البروه..عمقا.. و الويزيه
التل .. والتهر.. و زنغريه
حانوحا..البطيحه..انذبحت
......
شو احكي؟ في بعد جروح
هاي النكبة بتدمي الروح
هالحالة محتاجة شْروح!!!؟
مش يالدفتر و لا ع اللوح
هذا الشعب اللي بتشتت
اهاتو و لا مرة اتخلت..
الرئيسية 
